Sistem öndəki avtomobil ilə sizin aranızda əvvəlcədən müəyyən edilmiş minimum məsafəni saxlayır. Bu məsafə azalarsa, sistem sürəti tədricən aşağı salır, nəticədə, əyləclər işə düşür və əyləc işıqları yanır.
Öndə hərəkət edən nəqliyyat vasitəsi qəfil dayanarsa, Tam adaptiv kruiz kontrol avtomobilinizi tam dayandıra bilər. Qaz pedalına və ya ACC düyməsinə kiçik təzyiq sistemi yenidən işə salacaq.
Əgər avtomobiliniz Yol nişanı tanıma köməkçisi (RSA) ilə təchiz olunubsa, bu sistem hərəkət istiqamətinizdə müvafiq sürət həddi nişanını tanıyacaq və lazımi düzəlişlər etməyinizi sizə bildirəcək.
Sizin təhlükəsiz şəkildə park etməyinizə kömək etmək üçün bu sistem sürətlənməyə, sükan idarəetməsinə, əyləc sisteminə və ötürmələri dəyişməyə* nəzarət edir. O, hətta, xüsusi xətlərlə və ya bitişik obyektlərlə qeyd edilməmiş sevimli parkinq yerlərinizi də yadda saxlaya bilir.
*Komplektasiyadan asılı olaraq dəyişir
Avtomobildən çıxarkən arxa oturacaqda sərnişin və ya əşya qalıbsa bu sistem cihaz panelindəki xəbərdarlıq vasitəsilə sürücünü xəbərdar edir.
Komplektasiyadan asılı olaraq, avtomobili kilidləyəndə qəza dayanma işıqları və səsli xəbərdarlıq siqnalı aktivləşir.
Kor zona monitoru sistemimiz sürücünü yan güzgülərdə görə bilməyəcəyi nəqliyyat vasitələri barədə xəbərdar edir. Bu ötmə əməliyyatı zamanı xüsusilə önəmlidir.
Bu sistem sürücünün sayıqlığına və vəziyyətinə nəzarət etmək üçün sükan çarxının üzərində yerləşən kameradan istifadə edir. Sistem normal olmayan vəziyyət, məsələn yorğunluq aşkar edərsə, xəbərdarlıq edir. Diqqətsizliyin daha tez aşkarlanması yoluyla EDSS funksiyasının performansının artırılması üçün bu məlumatlardan istifadə edilir.
Bu sistem digər sürücülərdən məlumat toplayaraq və avtomobilin multimedia ekranında xəbərdarlıqları əks etdirərək irəlidə baş vermiş qəzalar və ya sürüşkən səthlər kimi lokal təhlükələr barədə sürücünü xəbərdar edir. Təchiz edilmiş multimedia sisteminin növündən asılı olaraq, həmçinin potensial təhlükələr barədə məlumatın verilməsi mümkündür, bu da yol hərəkəti təhlükəsizliyinin ümumilikdə artırılmasına gətirib çıxarır.
Bu sistem sərnişinlərə nəqliyyat vasitəsinin daxilindəki düyməni basmaqla təcili yardım xidmətlərinə məlumat verməyə imkan verir. Qəza baş verdikdə və ya avtomobilin hava yastıqları açıldıqda, sistem avtomatik olaraq aktivləşir.
Lütfən nəzərə alın ki, burada sadalananlar funksiyaların tam siyahısı deyil.
Bəzi funksiyaların mövcudluğu ölkədən, avtomobilin model və komplektasiyasından asılı olaraq dəyişə bilər.
Sistemlər istismar şərtləri və müddəti çərçivəsində işləyir.
Sürücülər həmişə təhlükəsiz sürməyə görə şəxsən məsuliyyət daşıyır.
Əlavə məlumat üçün istifadəçi təlimatına baxın.