RAV4 PHEV

Hibrid və Plug-in hibrid avtomobillərdə özünü doğrultmuş eyni “Toyota Hybrid Synergy Drive” texnologiyasından istifadə olunur, lakin aralarında önəmli bir fərq var.

Toyota-nın Plug-in hibridləri daha böyük tutumlu batareya ilə təchiz edilib və EV rejimində 75 km-ədək daha böyük gediş məsafəsinə malikdir. Plug-in hibridləri məişət elektrik yuvası, xüsusi “wallbox” bloku və ya yollarda mövcud olan şarj məntəqələri kimi xarici elektrik enerjisi mənbəyindən şarj etmək mümkündür. Mümkün olduqca avtomobili şarj etmək maksimal effektivliyi təmin etsə də, Toyota-nın Plug-in hibridləri hətta şarj olunmadan hibrid rejimində işləyir.

Hibrid rejimində olduqda Toyota hibridləri səmərəli benzin mühərriki və özü şarj olan ağıllı hibrid batareyası kimi iki enerji mənbəyi arasında hamar keçid edir. Bu, xüsusilə uzunməsafəli səfərlərdə yüksək çevikliyi təmin edir. 

RAV4 Plug-in Hibrid əyləncəli, qayğıkeş, bir o qədər də güclü avtomobildir. Onun sükanı arxasında olmaqdan həzz alacaqsınız. Təsirli dartı qüvvəsi və nəhəng 306 DIN at gücü sayəsində cəmi 6.0 saniyə ərzində 0-dan 100 km/saat sürətədək sürətlənir.  

Ənənəvi daxili yanma mühərrikli avtomobil ilə müqayisədə daha aşağı CO2 tullantı səviyyəsinə və daha yüksək effektivliyə malik RAV4 Plug-in Hibrid yanacağa daha da çox qənaət edir (qarışıq rejimdə istifadə zamanı 22g CO2 / 1.0L yanacaq). Bundan əlavə, RAV4 Plug-in Hibrid güclü ani burucu moment və tamamilə səssiz salon daxil olmaqla EV intiqalının bütün üstünlüklərini təklif edir. 

Elektrik rejimində istənilən yerdə və istənilən yerə zərərsiz tullantılar olmadan gedin. RAV4 Plug-in Hibrid qarışıq rejimdə 75 km-ədək və şəhər yollarında 95 km-ədək gedə bilir.

Əsas EV rejimində hətta qaza tam basaraq saatda 135 km-ədək maksimal sürətə çata bilərsiniz*. Yalnız EV rejimindəki məsafələrdən daha uzun məsafələr üçün RAV4 Plug-in regenerasiya olan batareyanın enerjisi ilə benzini növbələyərək hibrid avtomobil rejiminə keçir.

* Kifayət qədər şarjın (SOC) olması şərtilə

 

Ev elektrik yuvasından

RAV4 Plug-in Hibrid avtomobilinizi evdəki elektrik yuvasından (10A) şarj edə bilərsiniz.

"Wallbox"

Sürətli, etibarlı və uyğun ev/ofis şarjını "wallbox"* şarj blokundan təmin etmək mümkündür.

*Avtomobilinizlə birgə “wallbox” əldə etməyi düşünürsünüzsə, diler mərkəzinizlə əlaqə saxlayın.

İctimai Şarj Məntəqələri

Yolda və ya xüsusi parklanma yerlərində istənilən ictimai sürətli şarj məntəqəsinə qoşulun.

Evdəki elektrik yuvası

Avtomobil 7.5 saat ərzində tam şarj alır*. Şarj vaxtlarını planlaşdıra bildiyinizə görə elektrik istehlakı tarifiniz pik saatları ilə müqayisədə gecələr daha ucuzdursa, şarj xərcinin azaldılmasından da faydalana bilərsiniz.

"Wallbox"

Evinizə xüsusi kabelin çəkilməsi  və ya “Wallbox"un quraşdırılması optimal şarj sürəti və təhlükəsizliyini əldə etməyə və avtomobili 2.5 saat ərzində tam şarj etməyə imkan verir*.

İctimai şarj məntəqələri

Avtomobilinizi ictimai istifadəyə açıq olan şarj cihazlarına qoşun. “Wallbox” bloklarında olduğu kimi batareya 2.5 saat ərzində tam şarj olacaq*.

* 0-dan 100%-dək

Avtomobilinizi tez-tez şarj edin

Hər gün şarj etmək avtomobilinizin EV imkanlarından maksimum faydalanmağınıza imkan verəcək.

Hamar gediş

Sürmə üslubunuzun optimallaşdırılması EV-dən istifadənin səmərəliliyini yüksəldəcək və hər gedişdə üstün performansı təmin edəcək.

Regenerativ tormozlama

Tormozlama zamanı kinetik enerjinin tutulması akkumulyatoru şarj edir və ayağınızı qaz pedalından qaldırdığınız zaman avtomobilinizi intuitiv olaraq yavaşıdır.

Avtomobilin müntəzəm olaraq şarj edilməsi sizə avtomobilin EV rejimində idarə edilməsi zamanı zərərli tullantıların azaldılması və daha aşağı istismar xərcləri kimi bütün üstünlüklərini hiss etməyə imkan verəcək. Lakin avtomobilinizdə yanacaq olduqda batareya boşalarsa, RAV4 Plug-in Hibrid inizdən hibrid rejimində istifadə edin.

Toyota şirkətinin avtomobillərində hər bir batareya avtomobilin bütün istismar müddəti üçün nəzərdə tutulub.  Hər batareyaya 5 il/100 000 km* zəmanət verilir, Hibridin vəziyyətinin yoxlanılması isə hər il həyata keçirilərsə, batareyanın zəmanət müddəti 10 ilədək uzadıla bilər.

*Hansı daha tez olarsa